Zapódaśe pśinoskow

Zapódaśe pśinoskow

Um Beiträge online einzureichen oder den aktuellen Status eines eingereichten Beitrags zu überprüfen, müssen Sie registriert und eingeloggt sein. In einen existierenden Account Zum Login oder einen neuen Account Registrieren.

Kontrolna lisćina za zapódaśe pśinoskow

Ako źěł procedury zapódaśa pśinoskow pšosymy Was, aby z pomocu teje lisćiny kontrolěrowali punkt za punktom, lěc Waš pśinosk se maka z how wumjenjonymi kriterijami. Gaž te same njejsu dopołnjone, ga mógu se pśinoski awtoram a awtorkam slědk daś.
  • Pśinosk njejo se dotychměst niźi wózjawił a njejo se žednemu drugemu casopisoju pśedpołožył (howacej dejśo we „komentarach za redakciju” to rozjasniś).
  • Dataja dej we formaśe Microsoft Word abo RTF pśedlažaś.
  • Format teksta: jadnory wótstawk mjazy smužkami teksta, wjelikosć pisma 10, ewentuelnje kursiwne pismo, ale nic tłuste a nic pódšmarnjone (z wuwześim adresow URL); wšykne ilustracije, grafiki a tabele su na se góźecem měsće do teksta sajźone a nic na kóńcu teksta.
  • Jo-lic móžno, deje pódaśam literatury se teke adrese URL pśipisaś.
  • Tekst maka se ze stilistiskimi a bibliografiskimi kriterijami, ako su wustajone we regulach za awtory a awtorki (template, k namakanju we meniju „Wó nas”).

Směrnice za awtory/awtorki

Pśipósłane teksty wózjawiju se pó pósuźenju pśez redakciju we krotkem casu na našej homepage. Na zachopjeńku pśiducego lěta wótśišćiju se wšykne we zajźonem lěśe wózjawjone teksty hyšći raz we lětnej publikaciji. Zapódane nastawki njedeje byś normalnje dlejše ako 75 000 znamuškow (to wótpowědujo jadnab 25 śišćanym bokam).

Waš tekst dej bazěrowaś na aktuelnje płaśecej ortografiji rěcy, we kótarejž sćo tekst napisali (źo-li wó nimsku rěc: pśirucenja nakładnistwa Duden; źo-li wó górnoserbsku abo dolnoserbsku rěc: aktuelne směrnice górnoserbskeje resp. dolnoserbskeje rěcneje komisije). Pśi wariabelnej ortografiji dej se nałožyś pśiraźona warianta. Pśirucyjo se teke nałožowanje gendersensibelnej rěcy. Nałožujśo pšosym genderneutralne formy (na pśikład awtorstwo, redakcija, team), strategiju pomjenjenja wobeju genderowu (studentki a studenty), a w nimskej rěcy - ako formalne skrotcenje - teke pisanje z dwójnym dypkom (Student:innen).

Pokazki k formalnemu wugótowanju teksta namakajośo pód slědujucym linkom: Template.

Wužywajśo pšosym ten dokument ako instrukciju a teke ako pśedłogu pśi pisanju pśinoska.

Nastawki

Nadrobne informacije k formalnemu wugótowanju Wašogo teksta namakajośo pód linkom: Template.

Materialije

Nadrobne informacije k formalnemu wugótowanju Wašogo teksta namakajośo pód linkom: Template.

Jubilej

z fotografiju

mimo abstracta, mimo klucowych słow

Wopomnjeśe

z fotografiju

mimo abstracta, mimo klucowych słow

Recensija

Nadrobne informacije k formalnemu wugótowanju Wašogo teksta namakajośo pód linkom: Template.

Pśirucenje knigłow

Nadrobne informacije k formalnemu wugótowanju Wašogo teksta namakajośo pód linkom: Template.

Wopowěsć wót konference

Nadrobne informacije k formalnemu wugótowanju Wašogo teksta namakajośo pód linkom: Template.

Zapisk wo stwóriśelskem pšawje

Teksty wózjawjaju se pód licencu Creative Commons Namensnennung 4.0 International. Jolic až póžedaśo sebje ako awtor abo awtorka drugu licencu, ga rozgrońśo se z redakciju, lěc jo to móžno.

Woplěwanje wósobinskich datow

Mjenja a e-mailowe adrese, kótarež se na webbokach casopisa zapódaju, njewužywaju se za nic drugego ako jano za wumjenjone cile, a njedaju se nikomu dalej.

Glědajśo na to, až teksty musymy wózjawiś z pódaśim slěźaŕskeje institucije abo organizacije a teke e-mailoweje adrese awtorki/awtora. Daty, kótarež su za wózjawjenje myslone, dejśo pla redakcije eksplicitnje ako take pódaś.